УАУ докторын зэрэг хамгаалуулах зөвлөл хуралдлаа

Уламжлалт Анагаах Ухааны Докторын Зэрэг Хамгаалуулах Зөвлөлийн ээлжит хуралдаан 2021 оны 09 дүгээр сарын 30-ы өдөр АШУҮИС-ийн Эрдмийн их өргөө 220-д болж өнгөрлөө. Уг хуралдаанаар хоёр докторантын жинхэнэ хамгаалалтын асуудал хэлэлцэгдсэн бөгөөд АШУҮИС-ийн докторант С.Оюунцэцэг “Туршилтаар үүсгэсэн тархины цус тасалдал-хүчилтөрөгч дутлын үед Антишемин бэлдмэлийн биологийн зарим үйлдлийг судалсан нь” сэдвээр, докторант Б.Энэбиш “Зүрхний өвчний үед хэрэглэдэг уламжлалт эмт бодисуудын судалгаанд орчин үеийн зарим аргачлалыг ашиглах боломж” сэдвээр тус тус Анагаах ухааны докторын (Ph.D) зэргээ амжилттай хамгааллаа.

УАУ-ы докторын зэрэг хамгаалуулах зөвлөлийн дарга, АУ-ы доктор, профессор Н.Хүрэлбаатар докторын зэргээ амжилттай хамгаалсан эрдэмтдэд хурлаас гарсан санал, шүүмжийг дараагийн эрдэм шинжилгээний ажилдаа тусгаж ажиллахыг анхааруулж, эрдэм шинжилгээний ажлын удирдагчид, зөвлөх нарт болон судалгааны багт баяр хүргэж, ажлын өндөр амжилтыг хүслээ.

Leave a Reply

Сүүлийн бичлэг