СУДАЛГААНЫ ТӨСӨЛД СУДЛААЧ СОНГОН ШАЛГАРУУЛНА

 

 

ТӨСЛИЙН ХУРААНГУЙ:

Анагаахын Шинжлэх Ухааны Үндэсний Их Сургууль нь АНУ-ын Эрүүл Мэндийн Үндэсний Хүрээлэн (NIH)-гийн санхүүжилтээр Дюк Их Сургууль, Техасын Их Сургуультай хамтран хэрэгжүүлж буй “Хүрээлэн буй орчин, Хөдөлмөрийн эрүүл мэндийн төв” төсөлд судлаач сонгон шалгаруулна.

 

ГҮЙЦЭТГЭХ ҮНДСЭН ҮҮРЭГ:

Нийгмийн эрүүл мэнд, хүрээлэн буй орчин болон хөдөлмөрийн эрүүл мэндийн чиглэлээр судалгаа хийх

 

САНХҮҮЖИЛТ: Судалгааны төсөв, судлаачийн цалин олгоно. 3 сарын хугацаагаар АНУ-д суралцах тэтгэлэг

 

СУДАЛГАА ХИЙХ ХУГАЦАА: 15 сар /Бүтэн цагаар/

 

СУДЛААЧДАД ТАВИГДАХ ШААРДЛАГА:

  • Нийгмийн эрүүл мэндийн чиглэлээр магистр болон докторын сургалтад суралцаж буй оюутан байх
  • Нийгмийн эрүүл мэнд, эрүүл ахуй чиглэлээр бакалаврын зэрэг хамгаалсан байх
  • Бие дааж судалгааны арга зүйг боловсруулах, мэдээлэл цуглуулах, дүн шинжилгээ хийх чадвартай байх
  • Англи хэлний бичгийн болон ярианы өндөр чадвартай байх
  • Ёс зүйтэй, харилцааны ур чадвартай байх
  • Багаар ажиллах болон ачаалал даах чадавхитай байх
  • Сургалтын дараа хүрээлэн буй орчин, хөдөлмөрийн эрүүл мэндийн чиглэлээр үргэлжлүүлэн ажиллах чин хүсэл сонирхолтой байх

 

БҮРДҮҮЛЭХ МАТЕРИАЛ:

  1. Монгол улсын иргэн байх /Иргэний үнэмлэхний хуулбар/
  2. Нийгмийн эрүүл мэндийн чиглэлээр магистр болон докторын сургалтад хамрагдаж буйг батлах тодорхойлолт, дүнгийн хуулбар
  3. Нийгмийн эрүүл мэнд, эрүүл ахуйн чиглэлээр дотоод, гадаадын их, дээд сургуулийг төгссөн бакалаврын диплом. /хуулбар/
  4. Сонгон шалгаруулалтад оролцохыг хүссэн өргөдөл, энэ чиглэлээр үргэлжлүүлэн ажиллах хүсэл, сонирхолыг илэрхийлсэн тайлбар /Англи болон Монгол хэл дээр/
  5. Ажлын болон ур чадварын дэлгэрэнгүй мэдээлэл буюу CV /Англи болон Монгол хэл дээр/
  6. Англи хэлний мэдлэгийг илэрхийлсэн баримт бичиг: IELTS 6.5, TOEFL 88, CAE 176, CPE 176-с дээш. /Нийгмийн эрүүл мэнд, эрүүл ахуйн чиглэлээр гадаадын их, дээд сургуулийг англи хэл дээр төгссөн бол хэлний түвшин тогтоох шалгалт өгсөн байх шаардлагагүй./

ХҮСЭЛТ ХҮЛЭЭН АВАХ ХУГАЦАА:

Дээрх шаардлагыг хангасан судлаачид бүрдүүлэх материалын дарааллын дагуу 1 PDF болгон geohealthhubmongolia@mnums.edu.mn и-мэйл хаягаар ирүүлнэ үү.

Хүсэлтийг 2022 оны 10 дугаар сарын 14-ийг дуустал хүлээн авна. Холбоо барих утас: 99109659

СОНГОН ШАЛГАРУУЛАЛТЫГ ДАРААХ БАЙДЛААР ЗОХИОН БАЙГУУЛНА:

  •  Баримт бичгийн шалгаруулалт: 2022 оны 10 дугаар сард
  • Ярилцлагын шалгалт: 2022 оны 11 дүгээр сард /Англи хэл дээр/

 

Leave a Reply