АШУҮИС нь 2022-2023 оны хичээлийн жилийн хоёрдугаар улирлаас 1-3 дугаар дамжааны оюутнуудын суралцахуйг дэмжих, эерэг харилцаа, хандлагатай, ёс зүйтэй эмч, эмнэлгийн мэргэжилтэн болгон төлөвшүүлэхэд зөвлөн туслах зорилгоор “Чиглүүлэгч багш” хөтөлбөрийг хэрэгжүүлж эхэлсэн.
Тус хөтөлбөрийн хүрээнд Чиглүүлэгч багшаар томилогдон ажиллаж буй Био-Анагаахын сургуулийн Физиологийн тэнхимийн ахлах багш Д.Сарангэрэл нь чиглүүлэх оюутнуудтайгаа уулзаж “Өөрийгөө хөгжүүлэхүй ба сэтгэлгээ” сэдэвт чиглүүлэг сургалтыг хийсэн байна. Чиглүүлэгч багшаар ажиллаж буй багш нартаа талархал илэрхийлье.
