АШУҮИС-ийн хүний их эмчийн хөтөлбөрөөр суралцдаг I-VI дамжааны оюутнуудын дунд “Quiz Champion 2023” англи хэл дээрх танин мэдэхүйн aсуулт хариултын уралдаант тэмцээнийг Био-Анагаахын сургуулийн дэмжлэгтэйгээр Гадаад хэлний тэнхимээс “ETC” клубтай хамтран 2023 оны 03 сарын 04-ний Бямба гарагийн 11 цагт Оюутны соёлын төвд зохион байгууллаа. Тус тэмцээн нь АШУҮИС-ийн оюутнуудын соёлын мэдлэгийн цар хүрээг өргөжүүлэн тэлж, дотоодын болон гадаад оюутнуудын харилцаа холбоо, нөхөрлөлийг сайжруулж, соёлын өвөрмөц болон үнэт хүчин зүйлсийг танин мэдүүлэх, улмаар хувь хүний болон нийгмийн хөгжилд эерэг нөлөө үзүүлэх зорилготой зохиогдсон билээ.
Уралдаант тэмцээнд олон улсын оюутнууд суралцдаг англи хэлний анги хэсгийн 60 гаруй оюутан хамрагдсан бөгөөд V дамжааны Б.Амгалан, Д.Цацрал, С.Дөлгөөн, Б.Номин, Б.Номуунаа гэсэн гишүүдтэй “141” баг тэргүүн байр, IV дамжааны “4+fun” Ч.Цэлмэг, Э.Есүхэй, Г.Энхгэрэл, Э.Бадамхатан, Г.Тэгшбуян гэсэн гишүүдтэй баг хоёрдугаар байр, V дамжааны З.Мандуул, Б.Амин-Эрдэнэ, Б.Бат-Идэр, Э.Төгөлдөр, Д.Хонгорзул гэсэн гишүүдтэй “533” баг гуравдугаар байрыг тус тус эзэлж Өргөмжлөл, мөнгөн шагнал хүртлээ
.
