mnen
mnen
Сувилахуйн сургууль

Мэргэжлийн үйл ажиллагаа, тасралтгүй сургалт

Нэг. Сувилахуйн сургуулийн багш нарын 10.5 хувь нь ЭМЯ-ны ерөнхий мэргэжлийн, сувилахуйн мэргэжлийн, сэргээн засах мэргэжлийн салбар зөвлөлүүдэд гишүүнээр ажиллан бодлого боловсруулахад оролцон ажиллаж байна.

Хоёр. Сувилахуйн сургуулийн багш нарын 25 хувь нь зөвлөх, 17 хувь нь тэргүүлэх, 12 хувь нь ахлах мэргэжлийн зэрэгтэй бөгөөд 38 эмнэлэг, төвүүд, тусгай хэрэгцээт хүүхдийн цэцэрлэг сургуулиудтай гэрээ байгуулан 28 мэргэжлийн чиглэлээр мэргэжил арга зүйн зөвлөгөөг өгч хамтран ажиллаж байна.

Гурав. АШУҮИС-ийн Төв эмнэлэг, Нүүр ам судлалын төв эмнэлэг, Монгол анагаах ухааны төв эмнэлэг, Монгол япон эмнэлгүүдийг сувилахуйн мэргэжлийн нэгдсэн удирдлагаар ханган сувилахуйн тусламжийг чанартай, хүртээмжтэй, жигд хүргэж их сургуулийн эмнэлгийн тогтолцоог Монголд бүрдүүлэн ажиллах зорилго таван эмнэлэг дундын СУВИЛАХУЙН АЛБА-ыг сувилахуйн багш нар удирдан дараах тогтолцоогоор ажиллаж байна. Мөн АШУҮИС-ийн Төв эмнэлгийн Сэргээн засах төвийн үйл ажиллагааг удирдлага зохион байгуулалт, тусламж үйлчилгээг хариуцан ажиллаж байна.

Дөрөв. Нарийн мэргэжлийн эмч багш нар нь тасаг болон амбулаторт үзлэг хийх, мэс засалд хамтран орох, шинжилгээ, оношлогоо хийн ажиллаж байна.

Хүүхэд, тулгуур эрхтэн тогтолцоо, ХСҮТ-д төвд хавдарын хөдөлгөөн засал, СЗКЭ-д тархины харвалтын дараах хөдөлмөр, хөдөлгөөн заслын нарийн мэргэжлийн тусламж үйлчилгээ үзүүлж байна.

Тав. Төрийн бус байгууллага, нийгэмлэг, холбоо

Төрийн бус байгууллагуудад багш нар нь мэргэжлийн холбооны ерөнхийлөгч, нийгэмлэгийн тэргүүн, нарийн бичгийн дарга, гишүүдээр тус тус ажиллан 21 аймаг болон 9 дүүрэгт мэргэжлийн үйл ажиллагааг хүргэн ажиллаж байна.

Үүнд:

  • Монголын сувилахуйн мэргэжлийн холбоо
  • Цэргийн болон Цэрэгжсэн байгууллагуудын сувилагдын нийгэмлэг
  • Монголын сувилагчийн нийгэмлэг
  • Нийгмийн эрүүл мэндийн сувилагчийн нийгэмлэг
  • Гамшиг, яаралтай тусламжийн сувилагчийн холбоо
  • Сувилахуйн амьдрал төв
  • Эрчимт эмчилгээ, мэдээгүйжүүлгийн сувилагчдын нийгэмлэг
  • Монголын эх барих эмэгтэйчүүдийн эмч нарын холбоо
  • Монголын Менопауз, Андропауз Зохицуулалтын Нийгэмлэг
  • Монголын Бие Бялдар Хөдөлгөөн Заслын Холбоо
  • Монголын Хөдөлмөр Заслын Холбоо
  • “Анхны тусламж, эрүүл мэндийн төгс төв” ТББ
  • Монголын Үндэсний Олимпын Академи

Зургаа. Оюутанд чиглэсэн мэргэжлийн үйл ажиллагаа

  • Сувилахуйн сургуулийн захирлын баталсан шийдвэрээр анги бүр зөвлөх багштай бөгөөд зөвлөх багш нь тухайн ангийн оюутнуудад суралцах арга барил, суралцахад нь тулгамдсан асуудалд зөвлөгөө өгч тусалдаг.

  • Оюутнуудад хичээлийн бус цагаар хөдөлмөр эрхлэх боломжоор хангадаг. Нийслэлийн хөдөлмөр эрхлэлтийг дэмжих төв, Баянгол дүүргийн хөдөлмөр эрхлэлтийн газартай хамтын ажиллагааны гэрээ байгуулж хамтран ажилладаг.

  • Сургуулийн нийт оюутны тулгамдаж буй асуудлыг шийдвэрлэх үүднээс сэтгэл зүйн төв байгуулан ажилладаг.

  • Сургуулийн оюутанд зориулсан үүдэн эмнэлэг ажилладаг бөгөөд 2021 оноос оюутны эмчийг хуваарийн дагуу ажиллуулж эхэлсэн.

  • Сургуулийн хэмжээнд 13 оюутны клубыг багш нар удирдан чиглэл бүрээр нийгмийн идэвхитэй ажилд сурган дэлхийн эрүүл мэндийн өдрийг тохиолдуун үйл ажиллагаа зохион байгуулж байна.

  • Оюутны эрүүл мэндийг дэмжих төвийг байгуулан Дотрын эмч, хүүхдийн эмч, мэс заслын эмч, эх барих эмэгтэйчүүдийн эмч, сэтгэл засалч, сувилахуйн мэргэжлийн багш нар үзлэг, эмчилгээ, зөвлөгөө өгөх, сэтгэлзүйн зөвлөгөө өгөх, тэдний тулгамдсан асуудлыг шийдвэрлэхэд дэмжлэг үзүүлэхээр ажиллаж байна. Охид эмэгтэйчүүдийн үзлэг, гэр бүл төлөвлөлтийн зөвлөгөө, хүүхдийн эмчийн үзлэг, оюутан ээжид зөвлөгөө өгөх, сэтгэл засал, сэтгэл зүйн зөвлөгөө өгөх, сувилахуйн тусламж үйлчилгээ зэрэг тусламжийг үзүүлдэг.

 Долоо. Тасралтгүй сургалт

1979 онд сургуулийн 50 жилийн ойг угтаж Дорнод, Хөвсгөл, Завхан аймгуудад 10-аад багш явж, 600 шахам хүнтэй багш шавийн уулзалтыг хийж, зөвлөгөө өгсөн ба Улаанбаатар хотын эмнэлэг, урьдчилан сэргийлэх байгууллагуудын 500 гаруй сувилагч тусгай, мэргэжилтэнтэй уулзалт хийснээр төгсөгчидтэй жил бүр тасралтгүй зөвлөгөө, уулзалтуудыг зохион байгуулж байна. Мөн олон нийтийн телевиз радиогоор мэргэжлийн үйл ажиллагааг сурталчлах үйл ажиллагаа зохион байгуулдаг.

Төгсөлтийн дараах сургалтаар дараах хөтөлбөрүүдийг хэрэгжүүлж ажиллаж байна. Үүнд:

  1. Ахлах сувилагчдын чадавхжуулах сургалтын хөтөлбөр тус хөтөлбөрөөр ХХЕГ-ын ангиудын 30 ахлах сувилагчдыг сургасан.

  1. Сувилахуйн багш бэлтгэх, сургах хөтөлбөр тус хөтөлбөрөөр Өвөрхангай аймгийн БОЭТ-ийн 19 эмч, эмнэлгийн мэргэжилтэнг сургасан.
  1. Тасралтгүй багц цагийн сургалтыг ЭМХТ-тэй хамтран зохион байгуулахаар эмч, эмнэлгийн мэргэжилтэнд зориулан нэр бүхий 5 хөтөлбөр батлуулан хэрэгжүүлж байна.
  2. Олон мэргэжлийн багийн сургалт, семинар зохион байгуулан ЗХЖШ-тай хамтран ажиллаж байна.

Холбоо барих

АШУҮИС Сувилахуйн сургууль

Ард Аюушийн гудамж, БГД 6-р хороо, ШХ-26/188, Улаанбаатар хот-16081, Монгол улс 

Утас: +976 70007633
И-мэйл: nursinginfo@mnums.edu.mn

Сувилахуйн сургуулийн суралцахуйн менежментийн систем
www.e-erdem.mn

АШУҮИС-ийн төгсөлтийн өмнөх сургалтын цахим систем
www.elearning.mnums.edu.mn
АШУҮИС-ийн төгсөлтийн дараах сургалтын цахим систем
www.postgraduate.mnums.edu.mn/
Монгол Улсын цахим үйлчилгээний нэгдсэн портал
www.e-mongolia.mn