Сувилахуйн Сургууль

Анагаахын суурь шинжлэх ухааны тэнхим

ТАНИЛЦУУЛГА

Анх 1929 онд эмнэлгийн анхны сургууль болох Сувилагчийн сургууль байгуулагдах үеэс эхлэн Анагаах ухааны суурь шинжлэх ухаан болох Анатоми, Физиологи, Эмгэг судлалын  хичээл  орж эхэлсэн. 1959 оноос Анатомийн кабинет нэртэйгээр бие даасан бүтэц болон өргөжиж ирсэн. Тэнхимийн хөгжил өөрчлөлтийг Сувилахуйн сургуулийн түүхэн замналтай холбон авч үзвэл:

  1. Анатомийн Заах Аргын Нэгдэл 1985 он
  2. Эмнэлэг биологийн тэнхим 2000 он
  3. Сувилахуй- Морфологийн тэнхим 2004 он
  4. Суурь шинжлэх ухааны тэнхим 2009 он
  5. Мэргэжлийн суурь шинжлэх ухааны тэнхим 2010 он
  6. Анатоми, Физиологийн тэнхим 2012 он
  7. АШУҮИС-ийн Био-Анагаахын сургуулийн Анатоми, Физиологи, Эмгэг судлалын тэнхимтэй 2014 онд нийлсэн.
  8. Анагаахын суурь шинжлэх ухааны тэнхим 2020 он

2020 оны 11-р сараас АШУҮИС-ийн Сувилахуйн сургуульд Анагаахын суурь шинжлэх ухааны тэнхим нэртэй  болон эргэн зохион байгуулагдаж анатоми, физиологи, эмгэг анатоми, эмгэг физиологи, гистологи, бичил амь судлал, биохимийн чиглэлийн 7 төрлийн  хичээлээр сургалт, эрдэм шинжилгээ, мэргэжлийн үйл ажиллагаа явуулж байна.

Анагаахын суурь шинжлэх ухааны тэнхим 11 багшийн орон тоотой ажиллаж байна.

ЗОРИЛГО

Суралцагчидад анагаахын суурь шинжлэх ухааны онолын цогц мэдлэг олгон, ур чадварыг эзэмшүүлж, хандлагыг төлөвшүүлж, нотолгоонд тулгуурласан  эрүүл мэндийн тусламж үйлчилгээг үзүүлэхэд чиглэгдсэн сургалт, эрдэм шинжилгээ, мэргэжлийн үйл ажиллагаа явуулахад оршино.