Сувилахуйн сургууль

Оюутны хөгжил

  АШУҮИС-ийн Сувилахуйн сургуульд тавтай морилно уу

Бид 92 жилийн түүхтэй Сувилахуйн сургуулийн оюутнууд

Манай сургууль 1929 оноос хойш үйл ажиллагаагаа тасралтгүй явуулж буй Монгол улсын эрүүл мэндийн салбарын ууган сургууль бөгөөд эмнэлгийн аль ч шатны байгууллагад ажиллах бүрэн чадамжтай мэргэжилтэнг бэлтгэдэг. Сувилахуйн сургуульд 2020-2021 оны хичээлийн жилд сувилахуй, эх барихуй, хөдөлгөөн засал, хөдөлмөр засал хөтөлбөрөөр нийт 1348 оюутан суралцаж байна.

 

Манай сургууль нь:

  • Оюутнуудын нийгмийн асуудлыг шийдвэрлэхэд анхаарч, 2020-2021 оны хичээлийн жилд оюутны хөгжлийн зээл, буцалтгүй тусламжид 866 оюутан, бусад тэтгэлэг тусламжинд 33 оюутан хамруулсан. Мөн оюутнууд маань орон нутгийн болон бусад хамтрагч байгууллагын тэтгэлэгт хамрагддаг.
  • Жил бүр тогтмол байдлаар спортын уралдаан тэмцээн, урлагийн наадам, эрдэм шинжилгээний хурал зохион байгуулахаас гадна мэргэжлийн чиглэлээр олимпиад, хувь хүнийг хөгжүүлэх тэмцээнүүдийг төлөвлөн зохион байгуулдаг. Оюутнуудын эрүүл мэнд, бие бялдар, оюун санааны өв тэгш байдлыг хангаж, эрүүл бие, саруул ухаантай иргэн болгон төлөвшүүлэхэд чиглэсэн олон талын ажлуудыг байнга хэрэгжүүлдэг нь бидний авьяас чадварыг хөгжүүлж, амжилт гаргахад ихээхэн тус дэм болдог. Мөн оюутны клуб, дугуйлангууд хичээллэдэг бөгөөд сайн үйлсийн аянг санаачлан зохион байгуулдаг.
  • Бидний амжилттай сурах эрүүл орчинг бүрдүүлсэн, сургалтын болон судалгаа шинжилгээний дэвшилтэт тоног төхөөрөмжөөр тоноглосон хичээлийн анги танхим, ур чадварын төвүүд ажилладаг.

  • Оюутан бид анагаах ухаан, сувилахуйн салбарын мэдлэг мэдээллийг цуглуулах, хадгалах, түгээн дэлгэрүүлэх, мэргэжлийн ном, сурах бичиг, эрдэм шинжилгээ, судалгааны бүтээл, түүх, нэвтэрхий толь, лавлах толь болон мэргэжлийн толь бичиг болон холбогдох цахим материалаар сан хөмрөгөө баяжуулсан иж бүрэн тохижилттой номын сангаар үйлчлүүлдэг.
  • Идэвхитэй хөдөлгөөн, биеийн тамир, спортоор хичээллэх, тэмцээн уралдаанд амжилттай оролцоход бэлтгэл хийхэд зориулагдсан стандартын шаардлага хангасан спорт заалтай.
  • Оюутны хөдөлмөр эрхлэлтийг дэмжин, 2013 онд оюутны хөдөлмөр эрхлэлтийг дэмжих төвийг байгуулан, үйл ажиллагаагаа явуулж эхэлсэн. Хичээлийн бус цагаар хөдөлмөр эрхлэх хүсэл, сонирхолтой оюутан бүр мэдээлэл, зөвлөгөө авах боломжтой байдаг.
  • Оюутанд чиглэсэн үйл ажиллагаа нь оюутнуудыг цаг үеийн хэрэгцээт мэдээллээр хангах, нийгмийн идэвх оролцоог сайжруулах, санал хүсэлтийг цаг тухайд нь авч зохих албан тушаалтанд уламжлах, чөлөөт цагийг нь үр бүтээлтэй өнгөрүүлэх нөхцлийг бүрдүүлэх, оюутнуудынхаа эрх ашгийг хамгаалахад чиглэгддэг. Үүнд анги удирдсан зөвлөх багш их үүрэгтэй байдаг бөгөөд оюутан бүрийн асуудлыг шийдэж, дэмжиж ажилладаг.
  • Оюутны эрүүл мэндийг дэмжих нэгж үүсгэн “Багш нь туслая” уриатайгаар “Well-Being” хөтөлбөрийг хэрэгжүүлэхээр бэлтгэл ханган ажиллаж байна. Ингэснээр эрүүл амьдрал, гэр бүл төлөвлөлт, сэтгэл зүйн дэмжлэг зөвлөх үйлчилгээг оюутнууддаа үзүүлж, зорилтот бүлэгт чиглэсэн болон нийт суралцагчдад зориулсан олон арга хэмжээг зохион байгуулах болно.

Оюутны хөгжлийн чиглэлээрх Сувилахуйн сургуулийн бодлого нь: Амьдрахыг хүссэн нийгэм, аз жаргалтай орших дэлхийг бүтээх ирээдүйн чадварлаг мэргэжилтнийг бэлтгэх, тэдэнд хувьсан өөрчлөгддөг амьдралд “хуучирдаггүй” чадваруудыг эзэмшүүлж, хүчирхэг иргэнийг төлөвшүүлэх юм.

Оюутны нийгэмлэг

АШУҮИС-ийн Сувилахуйн сургуулийн оюутан сурагчдыг төлөөлөн удирдах олон нийтийн байгууллага байж тэдгээрийн хууль ёсны бөгөөд нийтлэг эрх ашиг, сонирхлыг төлөөлөн хамгаалах, түүний бие даан хөгжих бололцоог ханган, бүтээлч хамт олныг төлөвшүүлэх, оюутнуудын нийгмийн идэвхийг дээшлүүлэх, төрөөс оюутнуудын талаар явуулж байгаа бодлого, түүнийг хэрэгжүүлэх зорилготой нийгэмлэг ажилладаг. Бид оюутнуудын нийгмийн идэвхийг сайжруулах тэднийг бие даан сурах, өөрийгөө хөгжүүлэхэд туслахад оршино.

Үйл ажиллагаа:

  • “Монголын Оюутны холбоо”-той оюутны тулгамдаж буй асуудал шийдвэрлэх.
  • Монголын Оюутны холбоо болон Нийтийн тээврийн газартай хамтран хөнгөлөлттэй зорчих эрхийн картаар оюутан залуусыг хангах.
  • БГД-ийн Их дээд сургуулиудтай хамтран хөгжлийн чиглэлээр ажиллах
  • Хувцас хадгалах шүүгээ /локер/-г хариуцан оюутнууддаа тэгш хүртээмжтэй хүргэх
  • Суралцах арга барилыг нэмэгдүүлэх чиглэлээр сургалт, арга хэмжээг зохион байгуулах
  • Их сургуулийн соёлыг дэлгэрүүлэх, дээшлүүлэх чиглэлээр үйл ажиллагааг зохион байгуулах
  • АШУҮИС-ийн “Оюутны холбоо”-той хамтран оюутан залуусыг хөгжүүлэхэд хамтран ажиллах
  • - Бусад ...

Оюутанд зориулсан олон талт үйл ажиллагаа

  • Оюутан бидний сурах идэвхи сонирхлыг сэдэлжүүлэн, бидний мэдлэг чадварыг хөгжүүлэн, эерэг хандлагыг төлөвшүүлдэг. Тухайлбал: 2015 оноос тасралтгүй уламжлал болгон зохион байгуулж байгаа “ Монголын түүх, соёл, ёс заншлаараа бахархъя” сэдэвт өдөрлөг
  • Манай сургуулийн оюутнууд жил бүр “Сайн үйлс”-ийн аянг амжилттай зохион байгуулж, нийгмийн тустай үйл ажиллагаанд идэвхи санаачлагатай оролцдог.
  • Оюутны эрдэм шинжилгээний бага хурал жил бүр зохион байгуулагдан, оюутны судалгааны арга зүйд суралцахад нь үр дүн өгч, судалгааны ажил хийх сонирхлыг нь төрүүлдэг. Мөн эссэ бичлэгийн уралдааныг тогтмол зохион байгуулдаг.
  • Анагаахын суурь шинжлэх ухааны тэнхимээс 1990 оноос хойш өнөөг хүртэл тасралтгүй 30 жилийн хугацаанд оюутны бие даан суралцах үйл ажиллагааг дэмжих зорилгоор Анатомийн хичээлээр олимпиад зохион байгуулж байна.

Сувилахуйн сургуулийн оюутны клубууд

  • 2008 онд байгуулагдсан “Энэр” оюутны клуб нь Монгол улсын хөнгөвчлөх нийгэмлэг болон Омега клубтэй хамтран ажилладаг.
  • Тасралтгүй 10 жил үйл ажиллагаагаа явуулж буй “Nutrition” оюутны клуб
  • Үйл ажиллагаагаараа 2 жил дараалан шилдэг оюутны клубээр тэргүүлсэн “Сувилахуй болон олон мэргэжлийн баг” оюутны клуб
  • 2019 оны үйл ажиллагаараа тэргүүлсэн “Эмнэл зүй” оюутны клуб