АШУҮИС

Нүүр ам судлалын сургууль

     Түүх – Анагаахын Шинжлэх Ухааны Үндэсний Их Сургуулийн хичээлийн 3-р байр Нүүр ам судлалын сургууль нь 2011 оны 9 сараас Чингэлтэй дүүргийн 11 хорооны нутаг дэвсгэрт үйл ажиллагаагаа явуулж эхэлсэн. АШУҮИС-ийн НАСС нь их сургуулийн эмнэлгийн загварыг  монгол улсад анхдагчаар нэвтрүүлсэн сургууль  бөгөөд  улсдаа томоохонд тооцогдох  шүд эрүү нүүрний өвчин эмгэгийг оношлох эмчлэх эмнэлзүй, сургалтын бааз эмнэлэг юм. НАСС-ийн  нийт багш эмч нарын  46,6 % нь Анагаах ухааны докторын зэрэгтэй бөгөөд Япон, Солонгос, Куба, Унгар, Герман, Тайвань, АНУ зэрэг улсуудад судалгаа шинжилгээ нарийн мэргэжлийн чиглэлээр суралцсан, Монгол улсдаа нүүр ам судлалын салбарынхаа  бодлогыг тодорхойлогч, нийгэмлэг холбоодын тэргүүлэгчид нарийн мэргэжлийн тусламж, эмчилгээ үйлчилгээг тасралтгүй үзүүлдэг. Мөн  НАСС-ийн эрдмийн зэрэг цолтой эмч, багш нар нь Нийслэлийн Шүд Эрүү Нүүрний төв, Улсын 1-р төв эмнэлэг, Эх хүүхдийн эрүүл мэндийн үндэсний төв эмнэлэг зэрэг улсын томоохон клиник эмнэлгүүдэд зөвлөх эмчээр ажилладаг.

Нүүр ам судлалын сургууль нь дараах мэргэжлээр;

Шүдний их эмч 2+4 жил /бакалавр/

Нүүр амны техникч  3 жил /диплом/

Нүүр амны эрүүл ахуйч 3 жил /диплом/

Шүдний эмчийн туслах  / мэргэжлийн сургалт/ тус тус суралцаж шүдний их эмч, нүүр амны техникч, нүүр амны эрүүл ахуйч, шүдний эмчийн туслах зэрэг мэргэжил эзэмшиж төгсдөг.

Тэтгэлэгт хөтөлбөр

     Монгол улсын Засгийн газрын 19-р тогтоолын 3, 4 дүгээр хавсралтын дагуу оюутанд сургалтын төлбөрийн зээл, буцалтгүй тусламж, тэтгэлэг 

АШУҮИС-ийн захирлын нэрэмжит тэтгэлэг

      Ази номхон далайн бүсийн шүдний холбооны дэргэдэх тасралтгүй сургалтын коллежийн профессор, Эрүүл мэндийн шинжлэх ухааны их сургуулийн хүндэт доктор Жи Хеүн Тэйкийн нэрэмжит тэтгэлгийг 1999 оноос эхлэн НАСС-ийн сурлага, эрдэм шинжилгээ, олон нийтийн ажилд оролцдог идэвхээр тэргүүлсэн оюутан, клубүүдийг мэргэжил тус бүрээс шалгаруулж мөнгөн тэтгэлэг 

     Монгол улсдаа томоохонд тооцогдох хувийн хэвшлийн шүдний эмнэлгүүдээс тухайн хичээлийн жилийн сургалтын төлбөрийн тэтгэмж 

Багш нарын тоо – 28 

Профессор 3

Дэд профессор 2

АУ-ны доктор 8

АУ-ны магистр 15

Ажилчдын тоо – 29

Эмч 8

Сувилагч 9

Техникч 5

Хангамж үйлчилгээний мэргэжилтэн 1

Нярав 1

Сургалт хариуцсан арга зүйч 1 

Хичээлийн туслах 2

Дүн бүртгэгч 1

Чанарын менежер 1

Холбоо барих

Нүүр ам судлалын сургууль

Монгол улс, Чингэлтэй дүүрэг, 11-р хороо, нуурын 2-21
И-мэйл: dentistry@mnums.edu.mn
Холбоо барих:
75753201 /Шүд эрүү нүүрний эмнэлэг/
75553206 /НАСС-ийн захирлын өрөө/