Гадаад харилцааны газар

•  АШУҮИС-ийн тогтвортой хөгжлийн бодлогын хүрээнд шинжлэх ухаан, технологи, боловсрол, эрүүл мэндийн чиглэлээр гадаад харилцааны газрын бодлогыг шинээр боловсруулан үйл ажиллагааны шинэ түвшинд ахиулж гаргах зорилготой ажиллаж байна.
•  АШУҮИС-ийн Гадаад харилцаа, хамтын ажиллагааны үндэс суурь нь Монгол улсад эрүүл мэндийн дээд боловсролын тогтолцоог шинээр бий болгосон 1942 онд Зөвлөлт Холбоот Улсаас анхны удирдлага болох В.С.Кудряшов (сургалт эрхэлсэн тэргүүн дэд захирал), В.Н.Топольский (Хүн эмнэлгийн Факультетын декан), зэрэг мэргэжилтнүүд нар уригдан Монголын 24, Оросын 10 оюутанд хичээл зааж эхэлснээр тавигдсан.
• Ойн босгон дээр Япон улсын 34, БНСУ-ын 18, БНХАУ-ын 17, АНУ-ын 12, Тайван улсын 9, ОХУ-ын 8, Бүгд найрамдах Турк улсын 5, нийт 22 орны 120 гаруй байгууллагуудтай хамтын ажиллагааны гэрээ байгуулан ажиллаж байна.
• Манай сургууль 1978 оноос хойш Япон улсын 57, БНСУ-ын 29, БНХАУ-ын 8 нийт 20 орны төлөөлөгчдөд 195 цол олгосон байна (хүндэт доктор 37, хүндэт профессор 98, зочин профессор 60).
• 2011 оны 6-р сараас Гадаад харилцааны алба болон үйл ажиллагаагаа өргөжүүлсэн.

• БНСУ-ын Йонсей их сургуультай 1993 оноос хойш хамтран ажиллах гэрээ байгуулж, хамтын ажиллагааны хүрээнд Йонсей их сургууль гадаад номын сан, ЭШ-ний төв лаборатори байгуулж өгч багш оюутан солилцооны хөтөлбөрийг хэрэгжүүлж байна.
• МУАУОУС нь 2014 оноос БНХАУ-ын Тяньжины УАУ-ны их сургуультай хамтарсан “Зүү төөнө заслын их эмч” (4+2) хөтөлбөр, 2016 оноос Япон улсын Токио Ариаке Их Сургуультай хамтарсан “Уламжлалт анагаахын засалч” хөтөлбөрөөр мэргэжилтэн бэлтгэж эхэлснээр Монгол Улсын эрүүл мэндийн салбарт үнэтэй хувь нэмэр оруулж байна.
• 2017 оноос Жайкагийн Монгол Япон эмнэлгийн менежмент, тусламж үйлчилгээг хөгжүүлэн төгөлдөржүүлэх 1-р шатны төсөл өндөрлөж, 2-р шатны төслийн бэлтгэл ажил эхэлж байна.
• 2019 оноос АНУ-ын Харвардын анагаах ухааны сургуультай хамтарсан Т2Т, Т2С хөтөлбөрийг хоёр жилийн хугацаанд амжилттай зохион байгуулсан.
• Бүгд Найрамдах Австри улсын Засгийн газрын хөнгөлөлттэй зээлийн хүрээнд АШУҮИС болон харьяа эмнэлгүүдийн тоног төхөөрөмж шинэчлэх 7.5 сая еврогийн төслийг хэрэгжүүлж эхэлсэн.
• БНСУ-ын Олон улсын боловсролын солилцооны ассоциацитай хамтран ажиллах гэрээний хүрээнд АНУ-ын Жоржиа мужийн их сургуультай хамтран 2021 оны хичээлийн жилээс эхэлж хүний их эмч мэргэжлээр бакалаврын зэрэг олгох 2+4 хамтарсан хөтөлбөрийг англи хэл дээр хэрэгжүүлж эхэлсэн, 2022 онд Ханкүкийн их сургууль, Жежүгийн олон улсын их сургууль, АНУ-ын Нью Токио их сургуультай хамтран ажиллах гэрээ байгуулсан.

Д.Өлзиймаа M.D, MPH – Газрын дарга

Г.Цэнгэл M.D, Ph.D  – Мэргэжилтэн

Б.Одгэрэл M.D, магистрант – Мэргэжилтэн

Г.Энхжин M.D, M.Sc – Мэргэжилтэн