Биохимийн тэнхим

   БНМАУ-ын СнЗ-ийн 1940 оны 12-р сарын 6-ны өдрийн 45-р тогтоолоор Монгол Улсын Университет (МУИС) байгуулах шийдвэр гарч 1942 оны 10-р сарын 5-нд МУИС нь 3 салбартай байгуулагдсаны нэг нь хүн эмнэлгийн факультет байлаа. Шинээр байгуулагдсан хүн эмнэлгийн факультетийн оюутнуудад Биохимийн хичээлийг МУИС-ийн химийн тэнхимийн багш нар зааж эхэлжээ.

   АУДэС-д Химийн тэнхим зайлшгүй шаардлагатай болсон учир БНМАУ-ын СнЗ-ийн 1975 оны 10-р сарын 22-ний өдрийн 456 тоот тогтоолыг үндэслэн УДТДБ-ын хорооны даргын 1975 оны 11-р сарын 20-ны өдрийн 18 тоот тушаалын дагуу 1975 оны 12-р сарын 15-нд АУДэС-д 7 багш, 3 лаборант, 20,9 мянган төгрөгний үндсэн хөрөнгөтэйгөөр тэнхим байгуулагджээ.

   АУДэС-иас АШУҮИС болон хөгжиж ирсэн их сургуулийн хөгжлийн түүхэнд Биохимийн тэнхим их сургуулийн удирдлага, менежментийн бодлоготой уялдан 2006 онд Хими-Биохимийн тэнхим, 2012-2014 оны хичээлийн жилээс Биоанагаахын сургуулийн Биохими-Лабораторийн тэнхим, Эм зүйн сургуулийн Анагаахын химийн тэнхим болон салж, 2014-2015 онд Эм зүй, Биоанагаахын сургуулийн Эсийн биологи, Биохимийн тэнхим, 2015 оноос дахин Биохими-Лабораторийн тэнхим, 2019 оны 9-р сараас Биохимийн тэнхим болон бүтэц, зохион байгуулалт өөрчлөгдсөн түүхтэй. АШУҮИС-ийн салбар сургуулиуд болох Дорноговь АУК, Говь-Алтай АУК, Дархан АУК–ийн Биохимийн багш нар өнөөгийн Биохимийн тэнхимд харъяалагдан боловсролын үйлчилгээ явуулж байна.

Одоо Биохими-Лабораторийн тэнхимд 6 багш, нэг хичээлийн туслах ажилтан ажиллаж байгаагаас дэд профессор 2, доктор 1, магистр 3 ажиллаж, докторантурт 3 багш  суралцаж байна. Тус тэнхимийн багш нар эрдэм шинжилгээний олон байгууллагуудын үйл ажиллагаанд идэвхитэй оролцож байна.

Ц.Намсрай              1975-1995    Химийн тэнхим

Д.Энэбиш                1995-1998    Химийн тэнхим

Н.Даваасүрэн         1998-2005    Химийн тэнхим

Д.Энхмаа                 2005-2006    Анагаахын химийн тэнхим

2006-2009               Хими-Биохимийн тэнхим

Ж.Мөнхцэцэг          2009-2012    Хими-Биохимийн тэнхим,

2012-2014                 Биохими-Лабораторийн тэнхим

2014-2015                Эсийн биологи-Биохимийн тэнхим

2015-2016                Биохими-Лабораторийн тэнхим

М.Ариунаа              2016-2017    Биохими-Лабораторийн тэнхим

Л.Наранцэцэг        2017-2018    Биохими-Лабораторийн тэнхим

Ж.Мөнхцэцэг         2018-2019    Биохими-Лабораторийн тэнхим

Ж.Мөнхцэцэг         2019-одоо    Биохимийн тэнхим

АУ-ны доктор, профессор Цагаан-өвгөний Намсрай

МУ-ын Хүний Гавьяат эмч, Академич, АШУ-ны доктор, профессор Лувсаннямын Лхагва

МУ-ын Гавьяат багш, АУ-ны доктор, профессор Доржийн Энэбиш

БУ-ны доктор, профессор Ширнэнгийн Жадамба

АУ-ны доктор, дэд профессор Ламчингийн Туяа

АУ-ны доктор, дэд профессор Жанлавын Мөнхцэцэг

БУ-ны доктор, дэд профессор Логийн Наранцэцэг