Дорноговь аймаг дахь салбар Анагаах ухааны сургууль нь 1962 онд Анагаах Ухааны Дунд Сургууль нэртэйгээр БНМАУ-ын сайд нарын зөвлөлийн 200 дугаар тогтоолоор 5 анги, 120 оюутан, 9 багш, 12 ажилтантайгаар анх үүсгэн байгуулагдсан. Зүүн болон говийн бүсийн аймгуудын эрүүл мэндийн салбарт ажиллах эмч, эмнэлгийн мэргэжилтэнг 59 дахь жилдээ бэлтгэж байна. 2018 онд 3 дахь удаагаа магадлан итгэмжлэгдэж “Бүрэн хангалттай” үнэлэгдэн үйл ажиллагаагаа явуулж байгаа ба мөн 2018 оноос ISO:9001-2015 олон улсын чанарын стандартыг сургалтын үйл ажиллагаандаа нэвтрүүлээд байна.
Салбар сургууль нь нэг ээлжинд 400 оюутан хичээллэх 1264 м2 хичээлийн төв байр, 160 оюутан хичээллэх 1232 м2 хичээлийн 2 дугаар байр, 4 давхар 570 м2 барилга бүхий Мандах наран-Оюутан түшиц эмнэлэг, 100 оюутны суудал бүхий номын сан, 260 оюутан амьдрах оюутны 1 дүгээр байр, 50 оюутны багтаамж бүхий гэр бүлтэй оюутан амьдрах оюутны 2 дугаар байр, Хэнтий аймгийн Дэлгэрхаан сумын 7-р багт байрлах оюутны зуны үйлдвэрлэлийн дадлага хийх сургалтын бааз бүхий “Аварга тосон амралт” -ын газар зэрэг үндсэн барилга байгууламжтайгаар үйл ажиллагаа явуулж байна.
Хүний их эмчийн 6 жилийн болон 2+4 хөтөлбөрөөр, нүүр ам судлал, уламжлалт анагаах ухааны 2+4 жилийн хөтөлбөрөөр, эм зүй, нийгмийн эрүүл мэнд, био–анагаах ухааны 2+3 хөтөлбөрөөр, хөдөлгөөн засал, нийгмийн ажил /эрүүл мэндийн/, сувилахуй, эх барихуйн 4 жилийн хөтөлбөрөөр, эх баригч, сувилагч, лабораторийн техникч, эм найруулагч, уламжлалт анагаах ухааны сувилагчийн 3 жилийн хөтөлбөрөөр, туслах сувилагч мэргэжлээр, мөн лабораторийн техникч, эм найруулагч мэргэжлээр 1.5 жилийн шаталсан сургалтуудыг явуулж байна. Төгсөгчдийн 74-80 хувь нь ажлын байраар хангагддаг ба төгсөлтийн өмнөх дадлага сургалтыг өөрийн сургуулийн Оюутан түшиц эмнэлэг, аймаг дүүргийн нэгдсэн эмнэлэг, БОЭТ зэрэг газарт хийж байна.
2020 оны байдлаар 83 багш, ажилтан, 4 тэнхэм, 3 албатай, 500 гаруй оюутантай сургалтын үйл ажиллагааг зохион байгуулж байна. Багш нарын 14 хувь нь эрдмийн, 36 хувь нь мэргэжлийн зэрэгтэй байна.
Эрдэм шинжилгээ, төсөл хөтөлбөр /хуримтлагдсан байдлаар 2020 онд/
Зохион байгуулсан эрдэм шинжилгээний хурлууд – 6
Эрдэм шинжилгээний хамтарсан хурал-сургалт – 4
Эрдэм шинжилгээний бүтээлүүд (нэг сэдэвт бүтээл-21, гадаад хэл дээр хэвлүүлсэн, өгүүлэл-7 /journal of geoscience and environment protection if 0,33/, патент -4, ном, сурах бичиг -14, гарын авлага – 59, дотоодод хэвлүүлсэн өгүүлэл-77, олон улсын хуралд илтгэл- 75, дотоодод хэлэлцүүлсэн илтгэл – 208)
Хэрэгжүүлсэн төсөл – 4
ШУТС-ийн инновацийн төсөл-3
Орон нутгийн захиалгат төсөл-2
Орон нутаг, сургуулийн захиалгат төсөл-6
БСШУСЯ-ны ДБШТөслөөс зохион байгуулсан оюутны өрсөлдөөнт тэтгэлгийн төсөл-2
